OpenRicer: Vopen | OpenRice 's Review

網上大家都讚好，決定去試一試， 4點去訂位， 6點後full house，所以要5點半到。叫咗最出名既辣死你亞媽（椰漿飯）、混合沙嗲串燒（雞牛各三串）、福建炒麵，拉茶凍熱各一。等咗半個鐘左右，食物送上，有驚喜有失望。
亞媽飯椰漿香，伴菜魚仔香辣，另上一碟涼菜～喜出望外，食佢都送到一碗飯。。
福建炒麵，咸咗少少，但好香口，蝦好新鮮。
串燒肉味唔覺，調味過重，似焗爐貨多過燒烤。
拉茶，只覺甜味，唔覺茶味。
不過坐得都舒服，服務唔錯，中英普通話都得，係suria klcc價錢唔算貴。