吉隆坡的福建面檔比較多，行過這間話說有多年歷史的店舖，入去嘗試唔同的款式，這餐館可以坐室外或室內的，我們一行幾人進入2樓大廳，中式裝飾有畫、對聯、中式燈籠等。


炒清雜菜適合小朋友食有多款時菜（有類似小白菜、紹菜，椰菜花）炒在一碟，馬拉盞蕹菜味鹹香少少辣，福建炒麵用好多好多的豬油渣及用黑醬油放一起炒還有幾隻蝦和少少蔬菜，與在香港食到的風味完全唔同。

肉丸湯，清清的湯肉丸煙韌，有肉味，湯內也有豬油渣蝦米蔬菜


雜錦湯麵料都幾多肉有菜，味道清淡

十號胡同，一個經蔡瀾先生挑選的好幾間食店進駐的美食廣場，方便的一次過試到唔同的美食。

海南雞配河粉套餐另加飯加菜，雞肉軟腍，河粉調味剛好唔會太濃，飯味普普通通，唔算好突出。沾雞的醬料味道也是唔太突出。


砂鍋老鼠粉，就像在香港食到的銀針粉（香港也少了機會在食店食到這款粉)，燒到個煱好熱，落好重醬油來煮這個粉，味道適中，加咗隻蛋和蔥粒食前拌勻即可，拌勻後食落會更滑口。


炸魚片，即叫即整沒有油膩感覺，好新鮮好香口，食落彈牙質地幼滑有魚味。



特製手做魚蛋粒粒彈牙，在香港食的魚蛋粉多過魚，呢邊食到的至少食到有魚味。


左上角武莫喳喳~用料十足，糖水味香內有蕃薯粒，芋頭粒。右下角榴蓮紅豆冰，我好喜歡在馬來西亞新加坡食紅豆冰的，因為佢地落好多材料的，而呢個內有紅腰豆、粟米、涼粉、亞亞答子、還有綠色條狀煙煙韌韌的、香脆花生、焦糖漿、榴槤漿及刨冰等，唔覺唔覺就食完一碗了！食甜品來做完結多滿足啊!

晚飯後在茨廠街行，在街上熱熱的，買杯飲品解喝，行過這檔龍眼水，見佢用料吸引也買杯飲吓，佢有（有冰2蚊和無冰2.5馬幣兩款），我們買了無冰的，有冰和無冰也是在大箱內倒出來，有冰的就連冰倒入杯，而我們點無冰的，哪位哥哥就慢慢在大箱裡少少、少少在冰上倒出來。

見到佢檔面前放有陳列箱話比顧客知，佢地用料足，有放羅漢果、龍眼、冰糖還有冬瓜。

飲落，用料果然很足呢!濃濃的羅漢果龍眼冬瓜味道，感覺清甜涼爽。食得熱氣嘢多真係要飲杯消消熱。

從未食過如此好味道的印度菜，多謝朋友帶我去享受這豐富的美食。
山長水遠的到吉隆坡，相約朋友聚餐，朋友要上班抽空在午餐時段帶我到這間充滿正宗印度風味的餐廳午餐。真係一試難忘。
我本身唔係咁食到辣的，朋友點菜也就住來點。
點好菜，服務員就把大大片蕉葉放在面前
然後陸續把飯餸配菜續一放在蕉葉上。






配菜有青瓜、有炸魚仔，有炸瓜（紅色的炸得透脆唔覺熱氣）還有白飯是任添加，瓜菜醃漬味道適中容易入口，醬汁有魚肉醬、豆茸醬和咖喱醬，服務員每款配菜也會問你們要唔要的，我唔食辣的，也照要了條炸辣椒（炸得好脆 ，用手一壓就碎~和飯餸伴在一起來食），隻辣椒係鹹鹹辣辣的，食到我有小小噴火，記住大家要用右手進食（因為左手係用來……），餐廳也有提供匙叉使用，不過我也嘗試用右手進食，先用手把醬汁和飯伴在一起，用手指攞起一小撮放在第二，第三，第四隻手指上，然後用大姆指一推，把飯推進口裡去，我用過方法食了幾口就……自覺食得慢了！還是用匙叉食好點。

左手面紅色那些是炸雞，炸得皮脆肉滑醃漬入味!圖中見到細細杯的係湯，也是辣辣的香濃的。飲品點了簡單的青檸水，食什麼辣都飲一口解解辣!還有脆脆有蝦味的炸蝦片!
整體這餐真係無得彈

今次坐室外，辛好我們早到，由於係食飯時間店舖很快便無位，見企在門口排隊長龍。我們也快快口食完就離開讓坐給其他人午餐。
和朋友的聚餐到此完結。下次過吉隆坡也希望再到此開餐啦！